Teasing…

So… almal wonder wie jy is… wie is hierdie girl wat happy is daarmee om op die agtergrond te wees?  Pas sy in ‘n wasbak?  Is sy ‘n jong blonde katjie, hoe lyk hierdie girl?  LOL, van julle is darem nuuskierig jong!!  Miskien bring ek haar Sondag saam na die ete… mmmm!!

En daar gaan staan en verloor Australie toe hulle openings T20-wedstryd teen Zimbabwe van alle spanne!!  Hehehehe, what an upset!  Vannaand gaan daar massiewe veesvieringe wees, maar watch mooi, ek dink die Aussies gaan nog opstaan!  En hierdie uitslag is natuurlik net nog ‘n bewys dat werklik enige iets in hierdie vorm van die game kan gebeur… kom ons hoop die luck is vir die res van die toernooi aan ons kant!    

One down…

Wel, ten minste het Suid-Afrika gisteraand hulle Twenty20 cricket game teen die West-Indians gewen.  Chris Gayle het briljant gekolf en ek het actually lank hande geklap vir hom toe sy 100-tal opkom…. wat so paar vreemde kyke van die mense rondom my ontlok het.  Maar mens moet erkenning gee waar dit due is en hy was eenvoudig vernietegend!  Hulle score was baie goed, al het hulle so 20 lopies kort geval van waar hulle potesieel kon eindig.  Die Windies se boulwerk was egter hulle ondergang.  Buiten dat ons effe stadig weggespring het en eers teen die 5de boulbeurt kompeterend begin raak het, het hulle ons taak aansienlik vergemaklik deur uiteindelik seker maklik 3 ekstra boulbeurte te boul a.g.v al die wydlopers wat hulle geboul het. 

Suid-Afrika se kolwers sal moet weet dat hulle gisteraand relatief gelukkig was, al daai ekstra balle het heelwat druk verlig en die feit dat die Windies se kolflys na die vertrek van Gayle baie minder vernietegend was het waarskynlik gehelp om ons gatte te red.  Ons het mos nou maar eenmaal die manier om teen die Windies vas te val in belangrike wedstryde. 

Die res van die toernooi sal ook oorheers word deur die groot honde, ek kan nie sien hoe daar enige verrassings gaan plaasvind in die groepwedstryde nie.  Daarna gaan dinge egter gons.  T20 krieket is net te onvoorspelbaar…. hoop ons geluk hou!