Die naweek het lekker begin. Vrydagaand se date was fantasties, ’n soort van ek-wens-dit-wil-nie-ophou-nie tipe van lekker. Saterdag het Jordan vir my kom kuier en ons het gebraai, tussendeur het ons huiswerkies gedoen, rugby gekyk, motorresies en stoei op TV gekyk en Sondag was ons oor die algemeen lekker rustig. Hy was veronderstel om Sondagmiddag huis toe te gaan maar sy Ma het tussen neus en ore verdwyn, wat op die einde uitgedraai het om ‘n bedekte seën te wees want die girl het verskriklik baie van hom gehou en was bly om hom te ontmoet, en ek het hom toe saam met my en haar Kerk toe gevat. Ek was effe bekommerd dat hy dalk moeilik kan raak, maar vir ‘n 3 jarige was hy toe mooi soet gedurende die 2 uur lange diens, en toevallig was die boodskap nogal presies wat ek nodig gehad het om te hoor, so ek was baie bly dat ek gegaan het en dit was net so lekker om haar te sien.
Dit was die eerste keer dat hy haar ontmoet het en na sy aanvanklike teruggetrokkenheid, het hy later selfs op haar heup gaan sit vir ‘n ruk! Jordan is nogal soos sy Daddy, ons like mooi girls! En toe ons ry vertel hy my hy wou haar ‘n soentjie gegee het, maar toe hy die geleentheid gehad het was hy te skaam! Hy sal maar moet wag vir next time…
Categories: Sommer praat...
Het jy al ooit jouself gestop en gedink wat dit is wat jy besig is om te dink? Is jou gedagtes positief of is dit negatief? Is jy permanent besig om te wens vir iets beters, iets anders in jou lewe? Kan jy nie wag vir jou kinders om groot te word, vir die perfekte werk, die regte geleentheid, die perfekte huweliksmaat, die oomblik van jou aftrede nie?
Besef jy geluk is binne jou bereik, besef jy dit sit op jou skouer? Ek het jare gelede eendag ‘n beriggie in die koerant hieroor gelees en ek het dit uitgeknip omdat dit vir my ‘n eye-opener was, ek het dit gehou en ek het dit sedertdien seker al ‘n 1000 keer oor en oor en oor gelees. Ek het al selfs daaroor gepost. http://dmario.wordpress.com/2007/01/26/hou-op-jaag-storybook-love/
In elk geval, jy is die skepper van jou eie toekoms. Dit glo ek vas. Jy kan enige iets doen wat jy wil doen want JY weet wie jy werklik is. As jy die hele tyd sit en tob oor jou gewese mislukkings dan is al wat jy in jou toekoms gaan sien net nog mislukkings, nog hartseer. Hoekom dink jy nie aan jou suksesse nie? Hoekom herbeleef jy nie daardie oomblikke eerder oor en oor nie? En hoekom fokus jy nie op die positiewe dinge wat jy graag wil hê nie? Glo dit is reeds besig om te gebeur, sien dit as ‘n voldwonge feit en kyk hoe jou lewe verander. Dis amper soos magic…
“Whether you think you can or think you can’t, either way you will be right” - Henry Ford
Categories: Sommer praat...
