Die naweek het lekker begin. Vrydagaand se date was fantasties, ’n soort van ek-wens-dit-wil-nie-ophou-nie tipe van lekker. Saterdag het Jordan vir my kom kuier en ons het gebraai, tussendeur het ons huiswerkies gedoen, rugby gekyk, motorresies en stoei op TV gekyk en Sondag was ons oor die algemeen lekker rustig. Hy was veronderstel om Sondagmiddag huis toe te gaan maar sy Ma het tussen neus en ore verdwyn, wat op die einde uitgedraai het om ‘n bedekte seën te wees want die girl het verskriklik baie van hom gehou en was bly om hom te ontmoet, en ek het hom toe saam met my en haar Kerk toe gevat. Ek was effe bekommerd dat hy dalk moeilik kan raak, maar vir ‘n 3 jarige was hy toe mooi soet gedurende die 2 uur lange diens, en toevallig was die boodskap nogal presies wat ek nodig gehad het om te hoor, so ek was baie bly dat ek gegaan het en dit was net so lekker om haar te sien.
Dit was die eerste keer dat hy haar ontmoet het en na sy aanvanklike teruggetrokkenheid, het hy later selfs op haar heup gaan sit vir ‘n ruk! Jordan is nogal soos sy Daddy, ons like mooi girls! En toe ons ry vertel hy my hy wou haar ‘n soentjie gegee het, maar toe hy die geleentheid gehad het was hy te skaam! Hy sal maar moet wag vir next time…
15 responses so far ↓
Spook // April 7, 2008 at 6:28 am
TristonJ // April 7, 2008 at 7:10 am
Klink of jy dit sommer baie geniet het! Ek is bly vir jou…
Da Mario // April 7, 2008 at 7:42 am
Spook…
Dankie vir daardie insiggewende opinie. Jou analitiese vermoë slaan my asem weg…
Pikkelik // April 7, 2008 at 7:51 am
Dis so goed om goeie nuus op ‘n Maandagoggend te hoor. Moenie ophou nie…
René // April 7, 2008 at 10:08 am
Ek is bly jou naweek was so lekker! Daai Jordan is ook ‘n afdrukkie van sy pa! Moet ons solank die pa’s van driejarige dogters begin waarsku om maar eerder hul meisiekinders toe te sluit???
Ek wonder wie het Spook se hok geskud vanoggend? Duidelik kry hulle nie Kellogs in Spookland nie!
machiel // April 7, 2008 at 12:38 pm
Ek kan nie dink hoe erg dit vir my sou wees as my joggies nie altyd onder my eie dak geslaap het nie. Sterkte daarmee.
meermin // April 7, 2008 at 12:48 pm
Dit is nou goeie nuus op ‘n blou swart Maandag.
Ogies // April 7, 2008 at 2:08 pm
Hey my foon is … hmm … hoe kan ek dit noem sonder om soos ‘n matroos te vloek … op die koffie!!! So don’t blame me.
Eks egter bly om te hoor dat jy en Jordan die tydjie saam geniet het en dat jou nuwe vriendin en hy darem geclick het
Lekker dag verder.
Da Mario // April 7, 2008 at 2:32 pm
Consider yourself not blamed Ogie’kies…
DGS // April 7, 2008 at 2:47 pm
Kerk toe, sê jy?! Mmmmm…
Ek wonder watse klokkies hoor ek hier in my agterkop…?
Ogies // April 7, 2008 at 2:55 pm
Ek hoor dit ook al heel oggend DGS … Gedink dis maar my verbeelding
Ogies // April 7, 2008 at 2:56 pm
Wil iemand nie die son maar met klippe gooi nie??? Hierdie dag voel eindeloos!
Da Mario // April 7, 2008 at 3:21 pm
DGS…
Is jy nou aspris?
Ogies…
Die klokkies wat jy op die oomblik hoor is seker die wat lui vir jou? Gaan jy my uitnooi?
Ogies // April 7, 2008 at 3:30 pm
Tristonj // April 7, 2008 at 5:54 pm
Oogies wet jou ek kan viniger hol… On your marks, get set, GO!
Leave a Comment