Ek moet bieg…

Daar is sommige van my lesers wat my actually baie goed ken, en sommige van hulle sluip soms maar net so in die agtergrond rond en los nie altyd comments nie.  Wat natuurlik heeltemal fine is.  Soms weet ek nie eers hulle was hier totdat hulle iets noem oor wat ek geskryf het nie en dan is dit nogal ‘n verrassing.  Anyways, hoekom ek dit noem is omdat dit direk van toepassing is op die onderwerp waaroor ek wil bieg.
Julle sien, ek like lekker kos.  Ek en lekker kos is moerse pêlle.  Die pad na my hart loop nou wel nie deur my maag nie, maar dis ‘n storie vir ‘n ander dag.  Anyways, lekker kos is om die een of ander rede nie altyd gesonde kos nie.  Ek like dit byvoorbeeld om lekker skaaptjoppies te braai.  Of lekker steak met so lekker stuk crispy vet aan.  Glo is beide nie juis goeie nuus vir jou cholestrol nie.  En ek like goed soos take-aways en pizza, glo glad nie goed vir jou middel se size nie, en dan like ek nog lekker biltong en cabanossi ook.  En ek het nog altyd gedink dat die beste slaai goed soos hoender en vis is.  Ek bedoel, ek het nooit werklik slaai geëet nie, vir my was “slaai” witvleis… 

Nou voel dit amper vir my asof ek moet bieg: “Forgive me Father for I have sinned.  I started to enjoy healthy food…” 

Ek het nou al so paar oggende, in plaas van pasteie en gaskoeldranke of leftovers van gisteraand se Spaghetti Bolognaise, eerder iets gesonds gehad vir ontbyt.  Okay, hier kom dit… die ding waaroor ek moet bieg….. vrugte yughurt en muesli.  (Almal trek gelyktydig hulle asems skerp in…) 
Jip… ek eet actually yoghurt en muesli.
/me laat sak sy kop in stille erkenning….

EN dis actually lekker. EN ek klim gereeld trappe. Baie van hulle, 10 vloere se trappe op ‘n slag. Dit van my 1 minuut 35,7 sekondes. Dis miskien ‘n minuut langer as die hysbak as hy nêrens stop nie. En ek like dit…
Ek het ook baie lekker muesli ontdek. “Royal Swiss” is die een, dit het ook allerhande stukkies vrugte en neute en stuff in wat heerlik is, en dan is daar “Nutty Crunch” van Nature’s Source. En dit ruik ook sommer ongelooflik lekker. So ek eet sommer vreeslik lekker en nou is dit nog gesond ook.

Oraait, so ek weet, dit pas nou nie heeltemal by die “bad-boy-gladdebek-womeniser-chaff-elke-girl image” nie, maar dis anyways nie wie ek is nie. So hey, voorheen sou ek dalk gespot het dat dit my heel gay sou laat voel om verantwoordeliker te wees. Maar ek is.

EN dis lekker!